ვიქტორ დოლიძე საქართველოში უკრაინის მოვლენების განვითარების წინაპირობას ვერ ხედავს. როგორც დოლიძემ ჟურნალისტებთან განაცახდა დესტაბილიზაციის საწინააღმდეგო ბერკეტები შინაგან საქმეთა სამინისტროს აქვს.
,,სახელმწიფო იმიტომ არის სახელმწიფო და იმიტომ აქვს თავისი ბერკეტები, განსაკუთრებით შსს-ს, რომ არ დაუშვას რაიმე დესტაბილიზაცია და შიდა უსაფრთხოება იყოს გარანტირებული. მე ამგვარს ვერაფერს ვხედავ", - განაცხადა ვიქტორ დოლიძემ.
შეგახსენებთ, რომ საპარლამენტო უმრავლესობის დეპუტატმა, ნუკრი ქანთარიამ შინაგან საქმეთა სამინისტროს ანტიტერორისტული, ანტიკრიმინალური პრევენციული ღონისძიებების დაწყებისკენ მოუწოდა.
