4 თებერვალს, ჯიპას იაპონიის პოლიტიკური მეცნიერებების ინსტიტუტის პრეზიდენტი, პროფესორი, რეი შირატორი ეწვია. ღონისძიება იაპონიის საელჩოს ეგიდით ჩატარდა. საჯარო ლექციის მთავარი თემა იყო "სახელმწიფო განვითარების მოდელის ტრანსფორმაცია - იაპონია მეორე მსოფლიო ომის შედეგ" (Transformations of Development Model as a Nation: Case of Japan after the End of World War II. )
ღონისძიებას სპციალური სტუმარი იაპონიის ელჩი, ბატონი ტოშიო კაიტანი ესწრებოდა. შეხვედრას ასევე საქართველოს საზოგადოებრივ საქმეთა ინსტიტუტის სტუდენტები, რექტორი, ლექტორები და ადმინისტრაციის წარმომადგენლები ესწრებოდნენ. სტუდენტები მაქსიმალურად ჩართულები იყვნენ ლექციის მსვლელობაში. შეხვედრა კითხვა-პასუხის რეჟიმში გაგრძელდა.
საქართველოს საზოგადოებრივ საქმეთა ინსტიტუტი წარმოადგენს არასამთავრობო ორგანიზაციას, რომელიც დაკავებულია ეფექტური მმართველობის, მედიისა და სამოქალაქო საზოგადოების ჩამოყალიბების ხელშეწყობით საქართელოში. დაარსებისთანავე ინსტიტუტმა თავი მოუყარა ბიზნესის, მედიის, სამოქალაქო საზოგადოებისა და საჯარო სამსახურის წარმომადგენლებს. არსებობის 20 წლის განმავლობაში ინტერაქტიული საგანმანათლებლო პროგრამების, კვლევებისა და ტრენინგების მეშვეობით ინსტიტუტმა თავისი წვლილი შეიტანა როგორც ეფექტური მმართველობის განვითარებაში სახელმწიფო, მუნიციპალურ და ადგილობრივდონეზე საქართველოში, ასევე დამოუკიდებელი და სიცოცხლისუნარიანი მედიის ჩამოყალიბებაში.დღეს ინსტიტუტი პასუხობს იმ გამოწვევას, რომელიც გარდამავალი პერიოდისათვის დამახასიათებელი ძვრების შედეგად საჯარო სექტორის როლის მნიშვნელოვანმა ცვლილებამ განაპირობა.