შს მინისტრი ვახტანგ გომელაური ქვეყანაში ანტიტერორისტული ღონისძიებების ჩატარების აუცილებლობას ვერ ხედავს. როგორც მინისტრმა მთავრობის სხდომის შემდეგ საპარლამენტო უმრავლესობის დეპუტატის ნუკრი ქანთარიას მოწოდების შეფასებისას განმარტა არსებული ვითარება კონტროლს ექვემდებარება.
„არ არსებობს ისეთი ინფორმაცია, რომ რაიმე სპეცოპერაციის ჩატარება იყოს საჭირო. პრევენციული ღონისძიებებს მივმართავთ. თუ მასშტაბური რაღაც დაიგეგმება და ჩვენთან ინფორმაცია შემოვა, ამას საზოგადოება გაიგებს. ჯერჯერობით არაფერი ხდება. რა თქმა უნდა, ვითარება კონტროლს ექვემდებარება და პრევენციულ ზომებს ვიღებთ", - განაცხადა გომელაურმა.
შეგახსენებთ, რომ საპარლამენტო უმრავლესობის დეპუტატმა, ნუკრი ქანთარიამ შინაგან საქმეთა სამინისტროს ანტიტერორისტული, ანტიკრიმინალური პრევენციული ღონისძიებების დაწყებისკენ მოუწოდა.
