თბილისში, ათონელის ქუჩაზე მდებარე შენობის სარემონტო სამუშაოები თითქმის დასრულებულია. თუმცა, შენობაში რა უწყება განთავსდება ჯერჯერობით არ გადაწყვეტილა.როგორც მთავრობის სხდომის დაწყებამდე ჯანდაცვის მინისტრმა დავით სერგეენკომ განაცხადა მთავრობამ რამდენჯერმე იმსჯელა აღნიშნულ საკითხზე და იყო სხვადასხვა ვერსიები, მათ შორის ამ შენობის გამოყენება მაღალი რანგის დელეგაციების მისაღებად, თუმცა, საბოლოოდ, მთავრობას არ გადაუწყვეტია რა დანიშნულება ექნება შენობას.
„მე იმედი მაქვს, რომ მთავრობა ამ საკითხზე იმსჯელებს და შერჩეული იქნება ოპტიმალური გადაწყვეტილება," - განაცხადა სერგეენკომ.
შეგახსენებთ, რომ თავდაპირველად ათონელის ქუჩაზე არსებულ შენობაში პრეზიდენტის რეზიდენციის გათავსება იგეგმებოდა.
