არის გარკვეული გზები, თავიდან ავირიდოთ გაზის ფასის გაძვირება, - განაცხადა საქართველოს პრემიერ-მინისტრმა ირაკლი ღარიბაშვილმა მთავრობის რევანდელ სხდომაზე.
მისი თქმით, აღნიშნული საკითხის გაანალიზება და დეტალურად შესწავლა მან უკვე დაავალა ეკონომიკურ საბჭოს, რის შემდეგაც მთავრობა შეეცდება, გამონახოს გზები გაზის საფასურის გაძვირების თავიდან აცილებისთვის.
"ჩვენ თავად "სოკარის" წარმომადგენლებთანაც გვქონდა კომუნიკაცია და ისინი აბსოლუტურად მზად არიან, რომ მოვილაპარაკოთ ამ თემაზე. მინდა, ორივე ვიცე-პრემიერს მოგიწოდოთ, ეკონომიკურ საბჭოსთან ერთად, ეს საკითხი უსწრაფესად გადაწყვიტოთ. შეიძლება, ჩვენ მივმართოთ თხოვნით აზერბაიჯანულ მხარესაც, რომ მოხდეს საკითხის გადავადება, პროცესის გადაწევა. მიმაჩნია, რომ არის გარკვეული გზები, თავიდან ავირიდოთ გაზის ფასის გაძვირება," - განაცხადა ირაკლი ღარიბაშვილმა.
