იორდანიის პრინცი ალი ბინ ალ-ხუსეინი, ერთ-ერთია იმ ოთხ კანდიდატურას შორის, რომელიც ფეხბურთის ასოციაციათა საერთაშორისო ფედერაციის (ფიფა) პრეზიდენტობისთვის იბრძვის. პრინცის პრეზიდენტობას მხარს 6 ქვეყანა უჭერს, მათ შორის საქართველოც.
ალი ბინ ალ-ხუსეინის მსგავსად საპრეზიდენტო მარათონში ჩართულები არიან ასევე ფიფას ამჟამინდელი პრეზიდენტი იოსებ ბლატერი, პორტუგალიის ნაკრების ყოფილი ფეხბურთელი ლუიშ ფიგუ და ნიდერლანდების სამეფოს ფეხბურთის კავშირის ხელმძღვანელი მიხაელ ვან პლააგი.
აღსანიშნავია, რომ იორდანიის პრინცის გაპრეზიდენტებას საქართველოს გარდა მხარს უჭერენ ბელორუსია, იორდანია, აშშ, მალტა და ინგლისი.
შეგახსენებთ, რომ ფიფას საპრეზიდენტო არჩევნები 2015 წლის მაისის ბოლოს გაიმართება.
