2014 წლის 23 დეკემბერს, ბათუმის სახელმწიფო მუსიკალურ ცენტრში „მედიცინის მუშაკის დღესთან" დაკავშირებით აჭარის ჯანდაცვის სამინისტრომ სამედიცინო დარგის სპეციალისტები დააჯილდოვა.
2014 წელს აჭარის მოსახლეობის სამედიცინო მომსახურების საქმეში შეტანილი წვლილისათვის სიგელები და სიმბოლური საჩუქარები 13 ექიმს და სამინისტროს 6 თანამშრომელს გადაეცა.
ღონისძიების ფარგლებში გაიმართა პრეზენტაციები აჭარის ჯანდაცვის სამინისტროს 2014 წლის საქმიანობის, ქ. ბათუმის რესპუბლიკური საავადმყოფოს პერსპექტივების, ქ. ბათუმის რეფერალური საავადმყოფოს მიღწევების და სარეაბილიტაციო ცენტრ „თანას" საქმიანობის შესახებ.
სადღესასწაულო ღონისძიებას ესწრებოდნენ:
აჭარის ავტონომიური რესპუბლიკის მთავრობის თავმჯდომარე არჩილ ხაბაძე; უმაღლესი საბჭოს თავმჯდომარე ავთანდილ ბერიძე; უმაღლესი საბჭოს ჯანმრთელობისა და სოციალური დაცვის საკითხთა კომისიის თავმჯდომარე ჯემალ ფუტკარაძე; სამედიცინო დაწესებულებების ხელმძღვანელები და სამინისტროს წარმომადგენლები.
ღონისძიების ფარგლებში „აჭარის ექიმთა საზოგადოებამ" სამედიცინო დაწესებულების 6 ხელმძღვანელი და 1 ღვაწლმოსილი ექიმი დააჯილდოვა.
მედიცინის მუშაკის დღე აჭარაში 1996 წლის 23 დეკემბერიდან აღინიშნება.
