ქალაქ სტრასბურგში, საგარეო ურთიერთობათა კომიტეტის თავმჯდომარემ, ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელმა თედო ჯაფარიძემ შეხვედრები გამართა ევროპის საბჭოს გენერალურ მდივანთან ტორბიონ იაგლანდთან და ევროპის საბჭოს საპარლამენტო ასამბლეის გენერალურ მდივანთან ვოიცეკ სავიცკისთან.როგორც ,,ჯი-ეიჩ-ენს" პარალემნტიდან აცნობეს შეხვედრებზე მხარეებმა საქართველოსა და ევროპის საბჭოს შორის მიმდინარე თანამშრომლობის პროცესებზე, საქართველოს ოკუპირებულ ტერიტორიებზე არსებული ვითარებასა და აფხაზეთსა და რუსეთს შორის გაფორმებულ „მოკავშირეობისა და სტრატეგიული პარტნიორიობის" შესახებ ე.წ.
შეთანხმებაზე ისაუბრეს, სადაც აღინიშნა, რომ ამ შეთანხმების გაფორმება არ შეუწყობს ხელს საქართველოში ვითარების მშვიდობიან და გრძელვადიან მოგვარებას. როგორც შეხვედრებზე ასევე, ყურადღება გამახვილდა ევროპის საბჭოსთან სამოქმედო გეგმაზე. აღინიშნა, რომ ევროპის საბჭო აქტიურად მუშაობს ამ მიმართულებით. აგრეთვე საუბარი შეეხო საქართველოში მიმდინარე დემოკრატიულ პროცესებსა და სასამართლო სისტემის რეფორმის საკითხებს.
ევროპულმა მხარემ საქართველოსთან სამომავლო თანამშრომლობისა და ურთიერთობის გაღრმავებისთვის მზადყოფნა გამოთქვა.
