ღონისძიება უკავშირდება World Wide Web-ის (www) 25 წლისთავს და ადამიანის უფლებათა დაცვის საერთაშორისო დღეს, რომელიც 10 დეკემბერს აღინიშნება.

დისკუსია დაეთმობა იმ უმთავრესი პრობლემების განხილვას, რომლებიც ინტერნეტის მასშტაბით ზღუდავს ადამიანის უფლებებს.

ღონისძიებას გახსნის სოციალური მედიის ჰოლანდიელი აქტივისტი, ქსანდერ ბოუმანი. სიტყვით გამოვლენ ნიდერლანდების სამეფოს ელჩი საქართველოში ჰანს ჰორბახი და IDFI-ს დირექტორი, გიორგი კლდიაშვილი.

დისკუსია შედგება ორი პანელისგან.

პირველი პანელის მთავარი თემები და სპიკერები:

Ø ფარული მიყურადება - ლაშა ტუღუში, ფარულ ჩანაწერებთან დაკავშირებით შექმნილი კომისიის ერთ-ერთი წევრი, გაზეთ რეზონანსის დამფუძნებელი და რედაქტორი, აღმოსავლეთ პარტნიორობის სამოქალაქო საზოგადოების ეროვნული პლატფორმის თავმჯდომარე.
Ø სიძულვილის ენა ინტერნეტში - გუბაზ კობერიძე, ევროპის საბჭოს კამპანიის „მოძრაობა სიძლვილის ენის წინააღმდეგ" მონაწილე
Ø ცენზურა და საავტორო უფლებები - გიორგი გოგუა, ჟურნალისტი-ფოტოგრაფი, რადიო თავისუფლება

მეორე პანელში მოწვეული სპიკერები ღონისძიების პირველ ნაწილში განხილულ პრობლემებთან დაკავშირებით საკუთარ მოსაზრებებსა და რეკომენდაციებს შემოგვთავაზებენ და ისაუბრებენ, თუ რა რეგულაციებია საჭირო იმისთვის, რომ ადამიანთა უფლებები ინტერნეტ სივრცეში დაცული იყოს.
Ø ზვიად ქორიძე - მედიაექსპერტი
Ø დავით კლდიაშვილი - ჟურნალისტური ეთიკის ქარტიის საბჭოს მდივანი, იურისტი
Ø თამთა ტეფნაძე - მომხმარებელთა ინტერესების საზოგადოებრივი დამცველი, GNCC
Ø ნინო სარიშვილი ­­­­­­­­­- საერთაშორისო ურთიერთობებისა და კომუნიკაციების დეპარტამენტის უფროსი, პერსონალურ მონაცემთა დაცვის ინსპექტორის აპარატი.