თბილისში, ნავთლუღის ქუჩაზე ყოფილ სამხედრო ჰოსპიტალში მცხოვრებმა დევნილებმა, რომლებსაც ლტოლვილების სამინისტრო გამოსახლებას უპირებს ქუჩა გადაკეტეს.
ისინი სამინისტროს მიერ შეთავაზებულ წინადადებას აპროტესტებენ, რომლის მიხედვითაც 240-მდე ოჯახმა ბინა 300- ლარად უნდა იქირავოს.
ადგილზე მობილიზებულია საპატრულო პოლიცია.
აქციის მონაწილეები დაშლას არ აპირებენ. ისინი სამინისტროსგან პირობების შეცვლას მოითხოვნენ.
შეგახსენებთ, რომ ლტოლვილთა სამინისტრომ დევნილების გამოსახლება იმ მიზნით შესთავაზა, რომ შენობას გაარემონტებს და შემდეგ უკან დააბრუნებს.