ე.წ. კაბელების საქმის ის ნაწილი, რომელსაც გრიფი "საიდუმლო" მოეხსნა პროკურატურიდან ადვოკატებმა გვიან ღამით გამოიტანეს. საერთო ჯამში მასალა 1200 გვერდიანია და მის სრულად გასაცნობად ადვოკატებს ორ კვირაზე მეტი აქვთ.
რაც შეეხება იმ ნაწილს, რომელიც ამ დრომდე გასაიდუმლოებულია, მათ ადვოკატები, სავარაუდოდ, დღეიდან პროკურატურის შენობაში გაეცნობიან.
„მოცულობითი არის საკმაოდ მასალები, გავეცნობით, და მოგვიანებით დავაფიქსირეთ ჩვენს პოზიციას. დღეიდან ჩვენ შეგვიძლია საქმის მასალებს გავეცნოთ და ბუნებრივია, დავიწყებთ, იმიტომ, რომ დასაკარგი დრო ჩვენ არა გვაქვს", - განაცხადა თავდაცვის სამინისტროს დაკავებული მაღალჩინოსნების ადვოკატმა ლევან სამუშიამ.
შეგახსენებთ, რომ თავდაცვის სამინისტროს დაკავებული მაღალჩინოსნების საქმეს გრიფი საიდუმლო მოეხსნა, გარდა საქმის იმ ნაწილისა რომელიც შეიცავს ქვეყნის სამხედრო უსაფრთხოებასთან დაკავშირებულ საიდულო ინფორმაიას. ამის შესახებ, ცნობილი მთავარ პროკურატურაში გამართულ ბრიფინგზე გახდა.
შეგახსენებთ, საქალაქო სასამართლოს გადაწყვეტილებით, თავდაცვის სამინისტროს 5 თანამშრომელს აღკვეთის ღონისძიებად, 2 თვიანი წინასწარი პატიმრობა შეეფარდა. დაკავებულებს, გამოძიება სახელმწიფო ბიუჯეტის კუთვნილი 4 102 872 ლარის გაფლანგვის ედავება.გამოძიების ინფორმაციით, 2013 წელს, თავდაცვის სამინისტროს მიერ ორგანიზებული საიდუმლო სახელმწიფო შესყიდვის მიმდინარეობისას, უპირატესობის „სილქნეტის" მიენიჭა. პროკურატურის განცხადებით, ხელშეკრულებით თავდაცვის სამინისტრომ სს „სილქნეტს" უნდა გადაუხადოს ჯამში 6 720 877.42 ლარი, საიდანაც წინასწარ (ავანსად) გადარიცხულია უკვე 6 480 877.42 ლარი, სანაცვლოდ კი თავდაცვის სამინისტრომ სს „სილქნეტისგან" 2015 წლის 16 იანვარს უნდა მიიღოს ქონება და მომსახურება, რომლის რეალური საბაზრო ღირებულება ექსპერტიზის დასკვნის შესაბამისად შეადგენს მხოლოდ 2 618 004.82 ლარს.თავდაცვის სამინისტრო ინიციატივით გამოდის, საზოგადოების მაღალი ინტერსის გათვალისწინებით, აღნიშნულ შესყიდვას გრიფი მოეხსნას, რათა პროცესი გამჭვირვალედ წარიმართოს. გრიფის მოხსნას ითხოვს ასევე, დაცვის მხარეც. დაცვის მხარე საქმის პოლიტიკურ სარჩულზე საუბრობს და გრიფი საიდუმლოს მოხსნას ითხოვს.