საქართველოში, ანაკლიაში მიმდინარე მუსიკალური ფესტივალ „კაზანტიპის" ორგანიზატორის ნიკიტა მარშუნოკის თქმით, აშკარაა, რომ ეს ღონისძიება მოგებას ვერ მოიტანს, რადგან დიდი ინვესტიციების ჩადების ფონზე აუდიტორია ძალიან მცირერიცხოვანი აღმოჩნდა
„ჩვენ წინ ძალიან დიდი ვალები გველოდება. ინფრასტრუქტურაზე 4 მილიონ დოლარზე მეტი დავხარჯეთ, მაგრამ პარალელურად სასტუმროებისა და ბარების მფლობელებმა ფასები 10-ჯერ გაზარდეს. თავდაპირველად დაგეგმილი გქონდა, რომ ფესტივალზე 40-50 ათასამდე სტუმარი ჩამოვიდოდა, მაგრამ დღეს რეალურად ანაკლიაში 4 ათასამდე ადამიანია, რაც ძალიან ცოტაა. მით უმეტეს, რომ გზები ფაქტიურად, ჩაკეტილია: ავიარეისები რუსეთთან, საიდანაც ფესტივალის მონაწილეთა 60% უნდა ჩამოსულიყო, არასაკმარისია... სტუმრები თვით საქართველოდანაც ძალიან ცოტა მოვიდა", - განაცხადა მარშუნოკმა.
