Tasteatlas-ის რეიტინგის მიხედვით, ხაჭაპური მსოფლიოს 100 საუკეთესო კერძს შორის დასახელდა.
Tasteatlas პერიოდულად აქვეყნებს მსოფლიოს TOP 100 კერძის რეიტინგს. ამჯერად Tasteatlas-ის ფოკუსში, მსოფლიოს 100 სხვადასხვა გამორჩეულ კერძს შორის ხაჭაპურიც მოხვდა.
„ხაჭაპური, უბრალოდ ყველიანი პური, რომელიც ცნობილია, როგორც ხაჭაპური, საქართველოში ყველაზე ცნობილი კერძია. ტრადიციულად მას ამზადებენ ყველით, კვერცხით, ფქვილითა და კარაქით. საქართველოში ხაჭაპურის სხვადასხვა სახეობა არსებობს და მიუხედავად იმისა, რომ მისი მომზადება მოცარელათი ან ფეტათიც შესაძლებელია, ქართველები მას ან სულგუნი ან კიდევ იმერული ყველით ამზადებენ. ხაჭაპურს აქვს განსხვავებული ფორმები. ძირითადად ეს არის იმერული ხაჭაპური, რომელიც მრგვალია და აჭარული ხაჭაპური, რომელიც ღიაა, ხოლო მის ზედაპირზე მოთავსებულია ყველი, კვერცხი და კარაქი“, - აღნიშულია Tasteatlas-ზე განთავსებულ აღწერაში.
Tasteatlas პირველი გლობალური საიტია, სადაც მსოფლიო რუკაზე წარმოდგენილია 5 000 ათასე მეტი საკვები/კერძი ქვეყნებისა და რეგიონების მიხედვით. თითოეულ კერძს ასევე ახლავს რეკომენდაცია თუ რომელ რესტონრაში შეგიძლიათ ამ კერძს საუკეთესო ვარიანტი დააგემოვნოთ.
