თბილისში, პარლამენტთან გამართული აქციის მონაწილეები ადამიანის უფლებათა დაცვის კომიტეტის სხდომაზე შეუშვეს.
ისინი სახალხო დამცველის ანგარიშის მოსმენას დაესწრებიან და მათი თქმით, სოფო კილაძეს მწვავე შეკთხვებს დაუსვამენ.
შეგახსენებთ, "ლგბტ უფლებები ადამიანის უფლებებია!" - ამ ლოზუნგით თბილისში პარლამენტის შენობასთან აქცია გაიმართა.
აქციის მონაწილეები პარლამენტის ადამიანის უფლებათა დაცვის კომიტეტის თავმჯდომარის პოზიციიდან სოფო კილაძის გათავისუფლება მოითხოვეს.
აქციის მონაწილეების განცხადებით, სოფო კილაძის საქმიანობა და ღირებულებები ადამიანის უფლებებისა და თანასწორობის პრინციპებს არ შეესაბამება.
აქციის პარალელურად კონტრაქციას მართავდა „მართმადიდებელ მშობელთა კავშირი“. ორგანიზაციის აქტივისტთა თქმით, ისინი არ დაუშვებენ ქვეყანაში „უმსგავსობა მოხდეს“ და ლგბტ თემმა 17 მაისს აქცია მოაწყოს. მართლმადიდებლური მშობელთა კავშირის წევრებმა კვერცხები ისროლეს, რის შემდეგაც, კონტრაქციის 3 მონაწილე დააკავეს.
