ბოლო რამდენიმე კვირის განმავლობაში, კორონავირუსის პანდემიის ფონზე, ხელისუფლებების მიერ მიღებული გადაწყვეტილებების ფარგლებში, ევროპის უდიდეს ქალაქებში შეიზღუდა სატრანსპორტო გადაადგილება, მკვეთრად შემცირდა სარკინიგზო და ავიამიმოსვლა, ასევე, საწარმოებისა და ქარხნების მუშაობა.
ევროპის გარემოს სააგენტოს (EEA) განცხადებით, ზემოაღნიშნუმლმა მდგომარეობამ ევროპის ტერიტორიაზე ჰაერის დაბინძურების მაჩვენებლის მკვეთრ შემცირებას შეუწყო ხელი.
გასული კვირის განმავლობაში, იტალიის ქალაქ მილანში აზოტის დიოქსიდის (NO2) დონე შემცირდა 21%-ით, 2019 წლის ანალოგიურ პერიოდთან შედარებით. რომში NO2- ის საშუალო დონე ბოლო ოთხი კვირის განმავლობაში 35%-ით შემცირდა, გასული წლის ანალოგიურ პერიოდთან შედარებით.
16-22 მარტის კვირაში მადრიდში, NO2-ის დონე 2019 წლის ანალოგიურ პერიოდთადნ შედარებით 41% ით დაეცა, ხოლო ლისაბონში შემცირდა 51% -ით.
ევროპის გარემოს სააგენტოს თქმით, ჰაერის დაბინძურების მკვეთრი კლება მეტწილად სატრანსპორტი ტრაფიკის შემცირებასთან არის დაკავშირებული.