"ქართველი ჟურნალისტები ჟენევაში გაეროს შენობასთან თავს დაესხნენ რუსეთის დელეგაციას. სიარული უბრალოდ შეუძლებელი იყო, - ასე ეხმიანება რუსეთის საგარეო საქმეთა სამინისტროს ოფიციალური წარმომადგენელი, მარია ზახაროვა რუსეთის საგარეო საქმეთა მინისტრს სერგეი ლავროვსა და ქართველი ჟურნალისტებს შორის მომხდარ ინციდენტს.
ზახაროვა ამტკიცებს, რომ ქართველმა ჟურნალისტებმა ის "დაკაწრეს" და სოციალურ ქსელში ფოტოს აქვეყნებს.
"ქართველი ჟურნალისტები [ეს უკვე ხუმრობაა] ჟენევაში გაეროს შენობასთან თავს დაესხნენ რუსეთის დელეგაციას. სიარული უბრალოდ შეუძლებელი იყო. ყვროდნენ, კინკლაობდნენ, ჯიკაობდნენ და ასე ცდილობდნენ მინისტრთან მიახლოებას. საჭირო გახდა ყველანაირ ღირსებადაკარგული ქალების გვერდით გაჩოჩება, რომ სიარული გაგვეგრძელებინა. და იცით მათ რა აინტერესებდათ ? ამის დაჯერება შეუძლებელია! ერთი კითხვა: ჩავა თუ არა ლავროვი თბილისში? ეს უკვე ერთგვარი გონების დაბნელებაა, რომ ასეთი დამოკიდებული იყო სხვა ქვეყნის წარმომადგენლის ჩასვლაზე ან არჩასვლაზე“.
თქვენ ავადმყოფები ხართ, - ასე უპასუხა რუსეთის საგარეო საქმეთა მინისტრმა, სერგეი ლავროვმა ჟენევაში საქართველოს პირველი არხისა და „იმედის“ ჟურნალისტების კითხვას, აპირებს თუ არა თბილისში დაგეგმილ ევროპის საბჭოს მინისტერიალზე დასწრებას. რუსეთის საგარეო საქმეთა მინისტრმა ჟურნალისტების შეკითხვები უპასუხოდ დატოვა.