საქართველოს საგარეო საქმეთა მინისტრი დავით ზალკალიანი ევროპარლამენტში ასოცირების კომიტეტში დეკლარაციის ჩაგდებას ეხმიანება და აცხადებს, რომ ეს უარყოფით გავლენას ვერ მოახდენს საქართველოსა და ევროკავშირს შორის ურთიერთობებზე.
მისივე თქმით, დეკლარაციის ჩაგდება ადრეც მომხდარა, კერძოდ 2013 წელს, თუმცა მას შემდეგ ურთიერთობების დინამიკა კიდევ უფრო გაიზარდა.
"2013 წლის შემდეგ როგორ განვითარდა საქართველო-ევროკავშირის ურთიერთობები თქვენთვის ძალიან კარგად არის ცნობილი, იგივე სავიზო ლიბერალიზაციის მიღების თვალსაზრისით, ასოცირების გაფართოების კუთხით, ასევე, ახალი ფორმატების დაფუძნების თვალსაზირისთ, ანუ დინამიკა, ევროკავშირთან ურთიერთობებში არამც და არამც არ შენელებულა", - უთხრა ზალკალიანმა ჟურნალისტებს მიუნხენში.
შეგახსენებთ, სტრასბურგში ევროკავშირი-საქართველოს ასოცირების საპარლამენტო კომიტეტის სხდომაზე საქართველოსთან დაკავშირებული რეზოლუციის ტექსტი ჩავარდა.