პარიზის მერობის კანდიდატმა ბენჟამენ გრივომ თავისი კანდიდატურა მოხსნა მას შემდეგ, რაც სოციალურ ქსელში მისი პირადი ცხოვრების ამსახველი ვიდეო და მიმოწერების "სქრინშოთები" გავრცელდა. იტყობინება BBC-ი.
42 წლის ბენჟამინ გრივო საფრანგეთის პრეზიდენტის ემანუელ მაკრონის პარტიის მიერ იყო ნომინირებული.
ვიდეოს გავრცელების შემდეგ, მერობის კანდიდატმა მედიასთან დაგეგმილი ყველა შეხვედრა გააუქმა და განაცხადა თავისი კანდიდატურის არჩევნებიდან მოხსნის შესახებ.
"სოციალურმა ქსელმა და ვებგვერდმა, სადაც ეს ვიდეო გავრცელდა, განუზომელი ზიანი მიაყენა ჩემს ოჯახს. ისინი ამას არ იმსახურებენ", - განაცხადა გრივომ გავრცელებულ ვიდეომიმართვაში.
ბენჟამენ გრივო დაქორწინებულია და სამი შვილი ჰყავს. მანამდე გრივო საფრანგეთის მთავრობის პრესსპიკერად მუშაობდა.
