რუსეთი თბილისში, 14-15 მაისს დაგეგმილ ევროპის საბჭოს მინისტერიალში მონაწილეობას მიიღებს. დელეგაციის წევრების რაოდენობა ჯერ უცნობია. ამის შესახებ რუსეთის საგარეო საქმეთა მინისტრის ყოფილმა მოადგილემ, რუსეთის ფედერაციის საბჭოს წევრმა გრიგორი კარასინმა განაცხადა.
თბილისში ევროპის საბჭოს მინისტრთა კომიტეტის სხდომა 2020 წლის 14-15 მაისს გაიმართება. საქართველო 2019 წლის 27 ნოემბერს ევროპის საბჭოს მინისტრთა კომიტეტის თავმჯდომარე გახდა. ქვეყანამ თავმჯდომარის პოსტზე საფრანგეთი ჩაანაცვლა და უფლებამოსილებას ექვსი თვის ვადით უნდა შეასრულოს.
საქართველო ევროპის საბჭოს 41-ე წევრი ქვეყანა 1999 წლის 27 აპრილს გახდა. მინისტრთა კომიტეტის თავმჯდომარის პოსტს ექვს თვეში ერთხელ, ინგლისური ანბანის მიხედვით, წევრების წარმომადგენლები რიგრიგობით იკავებენ.