კერძო ტელევიზიები გადასახადების გადამხდელების ხარჯზე არ უნდა ფუნქციონირებდნენ, - განაცხადა თბილისის მერმა, კახა კალაძემ ფინანსთა სამინისტროს მიერ ტელევიზიებზე ინკასოს დადებას გამოეხმაურა.
"თემას არ ვიცნობ, მაგრამ დავალიანება თუ აქვთ, რა თქმა უნდა, გადასახდელია. ხალხის ხარჯზე რატომ უნდა ფუნქციონირებდეს ტელევიზიები. ეს არასწორია," - განაცხადა კახა კალაძემ.
ტელეკომპანიებს: "რუსთავი 2-ს", "პირველსა" და "კავკასიას" ანგარიშებზე ინკასო 25 დეკემბერს დაედო. ფინანსთა სამინისტრო კომპანიებისგან დავალიანების დაფარვას ითხოვს.
