დანიის ენერგეტიკულმა სააგენტომ განაცხადა, რომ "ჩრდილოეთის ნაკადი 2"-ის მშენებლობისთვის რუსულ კომპანია "გაზპრომს" მშენებლობის ნება დართო. იტყობინება Deutsche Welle.
აღსანიშნავია, რომ დანია იყო ბოლო ქვეყანა, რომლის ნებართვასაც მოელოდნენ პროექტის ორგანიზატორები. მანამდე "ჩრდილოეთის ნაკადი 2"-ისთვის სამშენებლო ნებართვები გასცეს ფინეთმა და შვედეთმა.
მილსადენის დიდი ნაწილის მშენებლობა, დაახლოებით 2 100 კილომეტრი, უკვე დასრულებულია რუსეთის, ფინეთისა და შვედეთის ტერიტორიულ წყლებში.
"ჩრდილოეთის ნაკადი 2"-ის პროექტი უზრუნველყოფს რუსეთიდან გერმანიისთვის გაზის მიწოდებას ბალტიის ზღვის ფსკერის გავლით, რითაც რუსეთი თავის მრავალწლიან ზრახვას, შეამციროს ენერგომატარებლების ექსპორტის დამოკიდებულება უკრაინის გზით ტრანზიტზე, მოიყვანს სისრულეში.
გაზსადენის პროექტს აკრიტიკებენ შეერთებული შტატები და ევროკავშირის რამდენიმე ქვეყანა, რადგან თვლიან, რომ ის მეტად გაზრდის ევროპის ენერგოდამოკიდებულებას რუსეთზე.
პროექტის ამოქმედება 2020 წლიდან იგეგმება.
