შეერთებული შტატების პრეზიდენტმა დონალდ ტრამპმა თქვა, რომ მან კიდევ მიიღო მორიგი „შესანიშნავი წერილი" ჩრდილოეთ კორეის ლიდერის კიმ ჩენ ინისგან, მას შემდეგ, რაც დიქტატორულმა რეჟიმმა იაპონიის ზღვაში არაიდენტიფიცირებული რაკეტა გამოსცადა.
"ვფიქრობ, რომ ჩვენ კიდევ შევხვდებით ერთანეთს", განუცხადა დონალდ ტრამპმა თეთრი სახლის წინ შეკრებილ ჟურნალისტებს.
ტრამპმა დასძინა, რომ წერილი ძალიან პოზიტიური იყო და მომავალში, შესაძლოა გამოაქვეყნოს კიდეც მისი შედეგები.
ბოლო ორი კვირის განმავლობაში, ჩრდილოეთ კორეამ ოთხჯერ გამოსცადა არაიდენტიფიცირებული რაკეტები იაპონიის ზღვაში.
ჩრდილოეთ კორეის ეს გააქტიურება დაუკავშირეს შეერთებული შტატებისა და სამხრეთ კორეის ერთობლივ სამხედრო წვრთნებს.
როგორც დონალდ ტრამპმა განაცხადა, კიმ ჩენი ინი გარკვეულწილად შეეხო "ფრიად პირადულ წერილში" ერთობლივი სამხედრო წვრთნების საკითხს და აღნიშნა, რომ „არ იყო ბედნიერი ამ წვრთნების გამო".