პოლონეთის სეიმის ახალ სპიკერად ელჟბეტა ვიტეკი აირჩიეს. მანამდე ის ქვეყნის შინაგან საქმეთა მინისტრი იყო.
პოლონური მედიის ინფორმაციით ვიტეკმა კენჭისყრაზე 245 დეპუტატი მიიმხრო.
საკანონმდებლო ორგანოს სპიკერის თანამდებობა მას შემდეგ გახდა ვაკანტური, რაც წინა სპიკერმა მარეკ კუხჩინსკიმ ის სამთავრობო თვითმფრინავის პირადი მიზნების გამოყენებასთან დაკავშირებული სკანდალის გამო დატოვა.
ჟურნალისტებისთვის ცნობილი გახდა, რომ დროს კუხჩინსკის სამსახურეობრივი ფრენების დროს ბორტზე ხშირად იმყოფებოდნენ მისი ოჯახის წევრები, ასევე მმართველი პარტიის წარმომადგენლები თავიანთი ოჯახებით. კუხჩინსკიმ განაცხადა, რომ ეს არ ზრდიდა სახელმწიფო ხარჯებს, თუმცა ამასთან, თავისი ნებასურვილით საქველმოქმედო მიზნებისთვის გადაიხადა 15 ათასი ზლოტი, 28 ათასი ზლოტი კი შეიარაღებული ძალების მოდერნიზაციის ფონდში ჩარიცხა.
ოპოზიციის განსაკუთრებულ უკმაყოფილებას იწვევს ის, რომ ხშირად მოგზაურობდა სამთავრობო თვითმფრინავით ოჯახთან ერთად კარპატების სავოევოდოში. ოპოზიცია კუხჩინსკის გადადგომას მოითხოვდა.
