საერთაშორისო რესპუბლიკური ინსტიტუტმა - IRI- გამოაქვეყნა საზოგადოებრივი აზრის კვლევის შედეგები, რომლის მიხედვითაც რუსეთთან დიალოგის მომხრეთა რაოდენობა 46 პროცენტამდე შემცირდა.
დასმულ შეკითხვაზე - მხარს უჭერთ თუ ეწინააღმდეგებით რუსეთთან დიალოგს - გამოკითხულთა 46 პროცენტმა უპასუხა დადებითად, რაც გასული წლების განმავლობაში ყველაზე დაბალი მაჩვენებელია.
აღსანიშნავია, რომ გასულ წლებში, მსგავს კვლევებში, რუსეთთან დიალოგის მომხრეთა რაოდენობა გაცილებით მაღალი იყო. მაგალითად, 2010 წლის ოქტომბერში დიალოგს 84% უჭერდა მხარს. 2015 წლის თებერვალში რუსეთთან დიალოგის მსურველი მხოლოდ 65% იყო. 2017 წელს კი 57 %.
საზოგადოებრივი აზრის კვლევა საქართველოს მასშტაბით 20 მაისიდან 11 ივნისის ჩათვლით პირდაპირი გამოკითხვის მეთოდით, რესპოდენტების სახლებში ჩატარდა. ინტერვიუები ჩატარდა 18 წლისა და მეტი ასაკის მქონე მოქალაქეებთან. გამოიკითხა 1500 ადამიანი. ცდომილება (+/-)2.5 პროცენტს შეადგენს.