შინაგან საქმეთა მინისტრ გიორგი გახარიას განცხადებით, პროკურატურის საქმის მასალებში დევს ყველა შესაბამისი მასალა, იმისთვის, რომ მათ ჩაატარონ გამოძიება.
„საქმის მასალებში დევს ყველაფერი, რაც საჭიროა იმისთვის, რომ გენერალურმა პროკურატურამ შესაბამისად ჩაატაროს გამოძიება ყველანაირი კითხვის ნიშნების გარეშე,“ -თქვა გიორგი გახარიამ.
ჟურნალისტის კითხვაზე, დადგება თუ არა კვლავ პოლიციელების პასუხისმგებლობის დაყენების საკითხი, მინისტრმა განაცხადა, რომ მათი პასუხისმგებლობა ისაა, რომ შეძლეს და ქვეყანას აარიდეს სამოქალაქო დაპირისპირება.
„პასუხისმგებლობა იქნება იმაზე, რომ შინაგან საქმეთა სამინისტრომ და პოლიციელებმა შეძლეს და ქვეყანას აარიდეს სამოქალაქო დაპირისპირება. ეს არის ჩვენი ყველაზე დიდი მიღწევა. თუ რომელიმე პოლიციელის ქმედებაში პროკურატურა აღმოაჩენს გადაცდომას, რა თქმა უნდა, ამაზე იქნება სამართლებრივი რეაგირება, მაგრამ და მე ასევე მინდა აღვნიშნო, რომ სანამ პროკურატურის და სასამართლოს შესაბამისი გადაწყვეტილება არ იქნება ეს პოლიციელები არიან პოლიციელები“, - განაცხადა გიორგი გახარიამ.