გურჯაანის მუნიციპალიტეტის სოფელ ჩალაუბანში სასურსათო მაღაზია გაქურდეს.
არსებული ინფორმაციით, მაღაზიიდან, რომელიც საპატრულო პოლიციის შენობის მიმდებარედ მდებარეობს, რამდენიმე პირმა სურსათი და ერთი ბოთლი ღვინო მოიპარა.
მაღაზიის მფლობელის თქმით, მაღაზიიდან თანხა წაღებული არ არის.
საქართველოს შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.
