საქართველოს პრეზიდენტი გიორგი მარგველაშვილი ვილნიუსში აღმოსავლეთ პარტნიორობის სამიტზე სიტყვით გამოსვლისას საქართველოს ევროატლანტიკულ ინტეგრაციის მნიშვნელობაზე ისაუბრებს. როგორც ჟურნალისტებთან საგარეო საქმეთა მინისტრმა მაია ფანჯიკიძემ განაცხადა მარგველაშვილის გამოსვლა სამწუთიანი იქნება.
"პრეზიდენტს, დაახლოებით, სამწუთიანი გამოსვლა ექნება. იგი ყურადღებას გაამახვილებს სწორედ იმაზე რომ საქართველოსთვის ევროპული ინტეგრაცია ბუნებრივი სურვილია და ამ სურვილს მხარს უჭერს საქართველოს მოსახლეობის დიდი რაოდენობა, რომ ჩვენ ველით გარკვეულ წინააღმდეგობებს ხელშეკრულების პარაფირებიდან ხელმოწერამდე, რომ გვაქვს იმედი, რომ ევროკავშირი მუდამ იქნება საქართველოს გვერდით, რათა ხელმოწერამდე მივიდეთ მშვიდობიანად და დავიწყოთ მისი გამოყენება", _განაცხადა ფანჯიკიძემ.
მისივე განმარტებით, პრეზიდენტი სიტყვით გამოსვლისას ყურადღებას ასევე გაამახვილებს საქართველოში მიმდინარე რეფორმებსა და მიღწევებზე. როგორც ფანჯიკიძემ განაცხადა გიორგი მარგველაშვილი სამიტზე გამოსვლისას საქართველოს ოკუპირებული ტერიტორიების შესახებაც გაამახვილებს ყურადღებას.