შინაგან საქმეთა სამინისტროს ცენტრალური კრიმინალური პოლიციის დეპარტამენტის იმერეთის სამხარეო სამმართველოს თანამშრომლებმა, ჩატარებული სპეციალური ოპერატიული ღონისძიების შედეგად, ცაგერის რაიონის სოფელ ზუბში ცეცხლსასროლი იარაღი ამოიღეს.
სამართალდამცველებმა ერთ-ერთი საცხოვრებელი სახლიდან კუსტარულად დამზადებული 5,6 მმ კალიბრის ცეცხლსასროლი პისტოლეტი და 15 ვაზნა ამოიღეს.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1-ლი ნაწილით).
