შსს-ს აჭარის სამხარეო სამმართველოს ბათუმის საქალაქო სამმართველოს მეორე განყოფილების თანამშრომლებმა ჩატარებული ოპერატიულ-საგამოძიებო ღონისძიებების შედეგად ბათუმში მდებარე კაფე-ბარ „ლილე"-ს და სასტუმრო „თიკო"-ს მფლობელი 1961 წელს დაბადებული თამარ. ს და მისი თანაშემწე 1961 წელს დაბადებული მარინა თ. პროსტიტუციისასთვის ადგილის გადაცემის ბრალდებით დააკავეს.
გამოძიებამ დაადგინა, რომ აღნიშნული პირები გარკვეული გასამრჯელოს სანაცვლოდ ქალბატონებს პროსტიტუციისათვის ოთახებს სისტემატურად უთმობდნენ.
სასტუმროსა და კაფე-ბარში მომუშავე პერსონალი და ქალბატონები მოწმის სახით დაიკითხნენ.
გამოძიება პროსტიტუციისთვის ადგილის გადაცემის ფაქტზე მიმდინარეობს (სსსკ-ის 254-ე მუხლით).
