შსს-ს ცენტრალური კრიმინალური პოლიციის დეპარტამენტის პირველი მთავარი სამმართველოს მესამე სამმართველოს თანამშრომლებმა ჩატარებული ოპერატიულ-სამძებრო და საგამოძიებო ღონისძებების შედეგად ნარკოტიკული
საშუალების უკანონო შეძენა-შენახვისა და საქართველოს ტერიტორიაზე უკანონოდ შემოტანის ფაქტზე 1962 წელს დაბადებული, წარსულში 5 ჯერ ნასამართლევი ქეთევან ჯ. დააკავეს.
სამართალდამცველებმა ქეთევან ჯ. გარდაბნის რაიონის სოფელ ვახტანგისში იმ დროს დააკავეს, როდესაც მან საქართველო-აზერბაიჯანის სახელმწიფო საზღვარი გადმოკვეთა და საქართველოს ტერიტორიაზე ნარკოტიკული საშუალება შემოიტანა.
ქეთევან ჯ-ს პირადი ჩხრეკისას სამართალდამცველებმა 37 შეკვრად დაფასებული ნარკოტიკული საშუალება ამოიღეს. ექსპერტიზის დასკვნით ამოღებულია ჰეროინის შემცველი 20,0797 გრ ნარკოტიკი.
გამოძიება ნარკოტიკული საშუალების უკანონო შეძენა შენახვისა და საქართველოს ტერიტორიაზე უკანონოდ შემოტანის ფაქტზე მიმდინარეობს (სსსკ-ის 260 მუხლის 1-ლი ნაწილით და 262 მუხლის 1-ლი ნაწილით).
