საქართველოს ახლადარჩეულმა პრეზიდენტმა გიორგი მარგველაშვილმა ფიცის დადების შემდეგ სიტყვით გამოსვლისას რუსეთთან ურთიერთობის შესახებაც ისაუბრა და აღნიშნა, რომ საქართველო გამოთქვამს მზადყოფნას, გააღრმავოს რუსეთთან დიალოგი.
,,მიუხედავად დღეს არსებული გართულებული ვითარებისა, ჩვენ კვლავ ვაცხადებთ მზადყოფნას გავაღრმავოთ რუსეთთან დიალოგი. ევროპულ და ევროატლანტიკურ სტრუქტურებში ინტეგრაცის პარალელურად, საქართველოს ეროვნული ინტერესების, საერთაშორისოდ აღიარებული საზღვრების და ტერიტორიული მთლიანობისა და სუვერენიტეტის პრინციპების სრული პატივისცემის გათვალისწინებით და ურთიერთნდობის საფუძველზე გადავჭრათ დღეს არსებული პრობლემები", _ განაცხადა გიორგი მარგველაშვილმა.
