16 ნოემბერს, 18:00 საათზე, ლიტერატურის მუზეუმში გალაკტიონ ტაბიძის საიტის www.galaktion.ge -ის პრეზენტაცია გაიმართება.
გალაკტიონ ტაბიძის საიტი ლიტერატურის მუზეუმის მიერაა შექმნილი. წარმოდგენილი მასალის მოცულობით, www.galaktion.ge-ის არის ყველაზე დიდი ვებ-გვერდი, რაც ოდესმე რომელიმე ქართველი ავტორის შესახებ გაკეთებულა. აქ შეგიძლიათ, ნახოთ გალაკტიონ ტაბიძის მემკვიდრეობა სრულად - მისი ყველა ნაწარმოები, ფოტო, ჩანაწერი, ჩანახატი, დღიური, მიმოწერა, დოკუმენტი, მემორიალური ნივთი.
საიტის წარდგენის შემდეგ, მერაბ ნინიძე წაიკითხავს გალაკტიონ ტაბიძის ლექსებს, ჩანაწერებსა და წერილებს.
ვებ-გვერდი შექმნილია შოთა რუსთაველის ეროვნული სამეცნიერო ფონდის ფინანსური მხარდაჭერით.
დასწრება თავისუფალია.
