ხვალ, 16 ნოემბერს, 11:00 საათზე, საქართველოს ტექნიკურ უნივერსიტეტში ტარდება ყოველწლიური საერთაშორისო სამეცნიერო კონფერენცია "ხელისუფლება და საზოგადოება - 2013". ღონისძიების ორგანიზატორია საქართველოს ტექნიკური უნივერსიტეტის, ბიზნეს-ინჟინერინგის ფაკულტეტი, საჯარო მმართველობისა და ინფორმაციული ტექნოლოგიების დეპარტამენტი.
ღონისძიების ორგნიზატორთა განცხადებით, 10:00 საათზე დაიწყება კონფერენციის მონაწილეთა რეგისტრაცია ტექნიკური უნივერსიტეტის ადმინისტრაციული კორპუსის მცირე სააქტო დარბაზში (კოსტავას 77, სააკაძის მოედანი).
კონფერენციის გახსნის ცერემონიალის შემდეგ, 12:00 საათიდან, დაიწყება სექციების მუშაობა. კონფერენციის ფარგლებში, იმუშავებს შემდეგი სესიები: "საჯარო მმართველობისა და საჯარო პოლიტიკის თეორია, პრაქტიკა, მეთოდოლოგია", "დიპლომატია", "ისტორიის პოლიტიკურ-ეკონომიკური და ფილოსოფიური გაკვეთილები", "საჯარო მმართველობისა და სახელმწიფო მართვის სამართლებრივი საფუძვლები", "საჯარო მმართველობისა და სახელმწიფო მართვის ეკონომიკური საკითხები", "პოლიტიკა, ენა, კულტურა", "სახელმწიფო და რელიგია".
