საოკუპაციო ხაზთან მცხოვრები სტუდენტების განათლებას სახელმწიფო დააფინანსებს. როგორც ჟურნალისტებთან განათლებისა და მეცნიერების მინისტრის მოადგილემ ლია გიგაურმა საოკუპაციო ხაზის მიმდებარე სოფლებში დაზარალებული მოსახლეობის საჭიროებების საკითხებს დროებითი სამთავრობო კომისიის სხდომის დაწყებამდე განმარტა მაქსიმალური თანხა რაც სახელმწიფოსგან გამოიყოფა 2 ათას 250-ლარი იქნება.
,,მუნიციპალიტეტებმა მოგვაწოდეს სია, რომელშიც არის 253 სტუდენტი, რომლის დაფინანსებაც მოთხოვნილი იყო, თუმცა აქედან დაფინანსდებიან მხოლოდ აქტიური სტუდენტები. ის სტუდენტები რომლებიც უნივერსიტეტებიდან ჩამოშორებული იყვნენ და სტატუსი არ აქვთ, აღნიშნული პროგრამით ვერ დაფინანსდებიან. შესაბამისად მოწოდებული სია უნდა გადამოწმდეს. დაფინანსდება ყველა ის სტუდენტი, რომელიც აკრედიტებულ პროგრამაზე სწავლობენ, განურჩევლად იქნება ის სახელმწიფო სასწავლებელი თუ კერძო. მაქსიმალური თანხა რითაც სტუდენტები დაფინანსდებიან 2 ათას 250-ლარი იქნება", -განაცხადა ლია გიგაურმა.
