რკინიგზის ახალი პროფკავშირების ორგანიზებით, საქართველოს რკინიგზის 6 000-ზე მეტი თანამშრომელი გაფიცვას გეგმავს .
რკინიგზის თანამშრომელთა მიერ მათი ადმინისტრაციისთვის მიცემული ულტიმატუმის ვადა 1 საათში იწურება და იმ შემთხვევაში, თუ მხარეებს შორის მოლაპარაკება არ შედგა, თითქმის მთელი ქვეყნის მასშტაბით სარკინიგზო მიმოსვლას პარალიზება ემუქრება.
რკინიგზის საზოგადოებასთან ურთიერთობის სამსახურის უფროსის დაჩი ცაგურიას განცხადებით, საქართველოს რკინიგზის ადმინისტრაციისთვის შანტაჟის ენაზე საუბარი მიუღებელია
"გამორიცხულია შანტაჯის ენით საუბარი და გამორიცხულია საქართველოს რკინიგზაში შედგეს შანტაჟის ფორმით რაიმე მოლაპარაკება. ჩვენ მზად ვართ, დავიწყოთ მოლაპარაკებები. მეტიც, ჩვენ მათ მოვუწოდებთ დასხდნენ ისინი მოლაპარაკების მაგიდასთან ყოველგვარი ულტიმატუმის და შნტაჟის ენის გარეშე,"- განაცხადა დაჩი ცაგურიამ.
პროფკავშირების წამრმომადგენლები რკინიგზის შენობაში შიდა კონსულტაციებს მთელი ღამის განმავლობაში მართავდნენ. მათ მიერ რკინიგზის ადმინისტრაციისთვის მიცემული ვადა 10:00 საათზე იწურება.
რკინიგზის თანამშრომლები ზეგანაკვეთური შრომის ანაზღაურებას, დანამატების სტაჟისა და კვალიფიკაციის მიხედვით გაცემას და გამჭვირვალე საპრემიო სისტემის დაწესებას ითხოვენ.
