მოსკოვის საქალაქო სასამართლომ 2011 წელს „დომოდედოვოს" აეროპორტში მომხდარ აფეთქებაში ბრალდებულებს სამუდამო პატიმრობა მიუსაჯა.
სასამართლოს გადაწყვეტილებით ბრალდებულებს: ისლამ და ილეზ იანდიევები და ბაშირ ხამხოევი, რომლებსაც სამუდამო პატიმრობა აქვთ მისჯილი, სასჯელს მკაცრი რეჟიმის კოლონიაში გაატარებენ. მეოთხე ბრალდებული კი აჰმედ ევლოევი მისჯილ 10 წელს საერთო რეჟიმის კოლონიაში მოიხდის.
ბრალდება ამტკიცებდა, რომ აჰმედ ევლოევი, ბაშირ ხამხოევი და ძმები ისლამ და ილეზ იანდიევები თვითმკვლელ მაგომედ ევლოევს ინგუშეთიდან მოსკოვში ჩასვლაში დაეხმარნენ და ასაფეთქებელი მოწყობილობა გადასცეს.
შეგახსენებთ, რომ 2011 წელს „დომოდედოვოს" აეროპორტში მომხდარი აფეთქების შედეგად 37 ადამიანი დაიღუპა. 132 კი დაიჭრა.
გამოძიება ასევე მიიჩნევს, რომ აფეთქება ჩრდილოკავკასიელი მებრძოლების ლიდერის, „იმარატ კავკაზის" ამირის დოკუ უმაროვის მიერ იყო ორგანიზებული.
მასალის გამოყენების პირობები
