დღეს, 14:00 საათზე, სააპელაციო სასამართლოში ბაჩო ახალაიას საქმეზე დასკვნითი პროცესი გაიმართება - მხარეები დასკვნით სიტყვებს წარმოთქვამენ.
პროკურატურამ ახალაიას მიმართ სამხედროების წამების საქმეზე საქალაქო სასამართლოს გამამართლებელი განაჩენი გაასაჩივრა. პროკურატურის საჩივრის განხილვა მეორე ინსტანციის სასამართლომ 1-ელ ნოემბერს დაიწყო.
ახალიას ადვიკატები მიიჩნევენ, რომ პროკურატურის საჩივარი დაუსაბუთებელია და ძირითადად პირველი ინსტანციის სასამართლოს მოსამართლის კრიტიკას ეხება, რომელმაც ახალაიასა და მასთან ერთად ბრალდებულებს გამამართლებელი განაჩენი გამოუტანა.
დაცვის მხარე დარწმუნებულია, რომ რომ სააპელაციო სასამართლო ძალაში დატოვებს ქვემდგომი სასამართლოს გადაწყვეტილებას.
ახალაიასთან ერთად, ამ საქმეზე ბრალდებული იყო კიდევ 7 პირი - გაერთიანებული შტაბის ყოფილი უფროსი გიგი კალანდაძე, მე-4 ქვეითი ბრიგადის ყოფილი ხელმძღვანელი ზურაბ შამათავა, სასჯელაღსრულების დეპარტამენტის წარმომადგენელი გაგა მკურნალიძე, სერჟანტები ალექსანდრე გორდაძე, მერაბ კიკაბიძე, მანუჩარ დარასელია და გიორგი კინწურაშვილი.
სასამართლომ შვიდივე პირი უდანაშაულოდ სცნო.
