აღნიშნული კვლევა 2013 წლის ივნისამდე პერიოდის მონაცემების მიხედვით გაკეთდა.
ქონების რეგისტრაციის სფეროს შეფასება სარეგისტრაციო პროცედურების რაოდენობის, რეგისტრირებისათვის საჭირო დროისა და დანახარჯის ფაქტორების გათვალისწინებით ხდება.
ქონების რეგისტრაციის სფეროში განხორციელებული რეფორმების შედეგად მსოფლიო ბანკისა და საერთაშორისო საფინანსო კორპორაციის რეიტინგში, 2006 წლიდან დღემდე საქართველო ყოველწლიურად აუმჯობესებს პოზიციას: 2010, 2009, 2008 წლებში საქართველო მეორე ადგილზე იყო, 2007 წელს - მეთერთმეტეზე, ხოლო 2006 წელს-მეთექვსმეტეზე ადგილზე.

საქართველოში უძრავი ქონების რეგისტრაციას 2004 წლიდან იუსტიციის სამინისტროს საჯარო რეესტრის ეროვნული სააგენტო ახორციელებს. სააგენტოს შექმნა, ახლებური სარეგისტრაციო სისტემის ჩამოყალიბების საფუძველიგ გახდა. საკანონმდებლო ბაზის შეცვლამ და თანამედროვე ტექნოლოგიების დანერგვამ შეამცირა უძრავი ქონების რეგისტრაციისათვის საჭირო პროცედურები და ვადები. სააგენტომ საქართველოში პირველმა დანერგა ადმინისტრაციულ ორგანოში ელექტრონული მმართველობის პრინციპები და სისტემა. ამ ყველაფერმა ერთად კი, თავისთავად განაპირობა წარმატება და მომხმარებელთა კმაყოფილება.

"Doing Business 2014"-ის ანგარიშის მიხედვით, საქართველო მე-8 ადგილზეა იმ ქვეყნებს შორის, სადაც მსოფლიოს მასშტაბით ბიზნესის დაწყებისთვის ყველაზე ხელსაყრელი პირობებია. ამ კრიტერიუმით, 2011 წელიდან დღემდე საქართ¬ველო "Doing Business"-ის კვლევაში მსოფლიო ქვეყნების ტოპ ათეულშია.

"Doing Business" - მსოფლიო ბანკისდა საერთაშორისო საფინანსო კორპორაციის პროექტია, რომელიც ბიზნესის გარემოს მსოფლიოს 189 ქვეყანაში, 10 ძირითადი კრიტერიუმის მიხედვით იკვლევს. ესენია: ბიზნესის დაწყება, სამშენებლო ნებართვების აღება, ელექტროენერგიის მიღება, საკუთრების რეგისტრაცია, კრედიტის აღება, ინვესტორთა დაცვა, გადასახადები, საერთაშორისო ვაჭრობა, კომერციული დავების მოგვარება, გაკოტრების პროცედურები. აღნიშნულ კრიტერიუმებში დაფიქსირებული შეფასება ქვეყნის ჯამურ რეიტინგს განსაზღვრავს.

კვლევაში ყოველწლიურად 10200 ექსპერტი მონაწილეობს.