3-6 დეკემბერს, მსოფლიო სავაჭრო ორგანიზაციის (WTO) მე-9 მინისტერიალი ბალიზე გაიმართება. როგორც საერთაშორისო სავაჭრო პალატაში განმარტავენ, მინისტერიალმა შეიძლება მნიშვნელოვანი როლი ითამაშოს მრავალმხრივ სავაჭრო მოლაპარაკებებში იმ შემთხვევაში, თუ WTO-ს წევრები მიაღწევენ ვაჭრობის გაიოლების შეთანხმებას. სანკტ-პეტერბურგში გამართულ უკანასკნელ G20-ის შეხვედრაზე, G20-ს ლიდერებმა ოფიციალურად აიღეს პასუხისმგებლობა ბალიში ვაჭრობის გაიოლების შეთანხმების მიღწევის თაობაზე და WTO-ს დანარჩენ წევრებსაც მოუწოდეს მათთვის მიებაძათ.
„ვაჭრობის გაიოლება" გულისხმობს საბაჟო და ადმინისტრაციული პროცედურების გამარტივებას, საერთაშორისო სავაჭრო ტრანზაქციებისათვის. WTO-ს ვაჭრობის გაიოლების შეთანხმების მიზანია სასაზღვრო პროცედურების გამარტივება და საქონლის მოძრაობის,
გამოშვებისა და ანგარიშსწორების გაიოლება. WTO-ს ვაჭრობის გაიოლების შეთანხმება 10%-ით შეამცირებს ვაჭრობის ხარჯებს განვითარებული ეკონომიკის ქვეყნებში, ხოლო 13-15.5%-ით, განვითარების გზაზე მყოფი ეკონომიკის ქვეყნებში. WTO-ს ვაჭრობის გაიოლების შეთანხმების შედეგად, შესაძალებელია მსოფლიო მთლიანი შიდა პროდუქტის გაზრდა
960 მილიარდი ამერიკული დოლარით და განვითარებადი ქვეყნების ექსპორტის გაზრდა 570 მილიარდი ამერიკული დოლარით. მეტად სავარაუდოა, რომ ვაჭრობის გაიოლების შედეგად მიღებული მოგებით ისარგებლებს პატარა და საშუალო ზომის საწარმოები, განსაკუთრებით
განვითარებად ქვეყნებში გამომდინარე იქიდან, რომ პატარა და საშუალო ზომის საწარმოებს უფრო მეტად აზარალებს მაღალი ადმინისტრაციული ხარჯები, ვიდრე უფრო დიდ კომპანიებს.
საერთაშორისო სავაჭრო პალატის ინფორმაციით, მსოფლიო სავაჭრო ორგანიზაციის წევრები, საქართველოს ჩათვლით ვალდებულნი არიან შეუერთდენ G20 შეთანხმებას სავაჭრო
ურთიერთბების გამარტივებასთან დაკავშრებით. საერთაშორისო მხარდაჭერით, იმისათვის რომ მიღწეულ იქნას გამარტივებული სავაჭრო ხელშეკრულება და საქართველოს შემხვედრი ნაბიჯები მიიღოს ვაჭრობის უსაფრთხოების შესახებ კანონი, იქნება არაპროდუქტიული და
ეკონომიკურად საზიანო.
ICC საქართველო ხელისუფლებასა და პარლამენტს მიმართავს თხოვნით, სერიოზულად გადახედონ ამჟამინდელი ფორმით, „ვაჭრობის უსაფრთხოების ღონისძიებების თაობაზე", კანონპროექტის მიღების საკითხს, ეკონომიკური კეთილდღეობის ინტერესიდან გამომდინარე.
საერთაშორისო სავაჭრო პალატა მხარს უჭერს ღია სავაჭრო და თავისუფალ გლობალურ ვაჭრობას. საერთაშორისო სავაჭრო პალატა საქართველოში არის უმსხვილესი წარმომადგნლობითი ბიზნეს ორგანიზაცია მსოფლიოში. პალატის ეროვნული კომიტეტები
წარმოდგენილია მსოფლიოს 130 ქვეყანაში, სადაც გაწევრიანებულია 6.5 მილიონ კომპანიაზე მეტი ორგანიზაცია, სავაჭრო და ბიზნეს ასოციაციები.
