დღეს, 25 ოქტომბერს, 15 საათზე, საქართველოს ფინანსთა სამინისტროსა და ევროპის რეკონსტრუქციისა და განვითარების ბანკს (EBRD) შორის ხელი ეწერება 25,2 მლნ ევროს ოდენობის სასესხო ხელშეკრულებას, რომელიც ითვალისწინებს კავკასიონის გადამცემი ხაზიდან ჯვარის ქვესადგურამდე და ჯვარის ქვესადგურსა და ხორგას ქვესადგურებს შორის ელექტროგადამცემი ხაზების მშენებლობას.
ხელშეკრულების ხელს მოაწერენ: ფინანსთა მინისტრი ნოდარ ხადური და EBRD-ის რეგიონული დირექტორი კავკასიაში, მოლდოვასა და ბელორუსში ბრუნო ბალვანერა (Bruno Balvanera)
ხელმოწერს ცერემონიას ასევე დაესწრებიან: ენერგეტიკის მინისტრი კახა კალაძე, ილია ელოშვილი - ენერგეტიკის მინისტრის მოადგილე, სულხან ზუმბურიძე - სს „საქართველოს სახელმწიფო ელექტროსისტემის" მმართველთა საბჭოს თავმჯდომარე/რეაბილიტაციის მმართველი, EBRD-ის წარმომადგენლები
