„გარკვეულწილად, არჩევნების პროცესი ნორმალურად მიმდინარეობს, რადგან წინასაარჩევნო პროცესი და მედიასივრცე, ერთი წლის წინანდელთან შედარებით,უკეთესად გამოიყურება. თუმცა, აქვე ხაზგასასმელია ოპოზიციური პარტიის ლიდერის დაპატიმრება და რეგიონებში ადგილობრივ ორგანოებზე ზეწოლა. საინტერესოა ისიც, თუ რამდენად გაუმკლავდება ხელისუფლება ქუჩის გამოსვლებს, რომელიმე ოპოზიციური პარტიის მხრიდან ამგვარი მოწოდების შემთხვევაში. ამ კონტექსტში, არ შეიძლება არ აღინიშნოს მმართველი კოალიციის კანდიდატისა და პრემიერ-მინისტრის არაკორექტული გამონათქვამები სხვა კანდიდატების მიმართ და განსაკუთრებით, მოსახლეობისადმი ულტიმატუმის ფორმით წაყენებული შანტაჟი მეორე ტურში არმონაწილეობის შესახებ, რაც მიუღებელია თვით ახალგაზრდა დემოკრატიისთვისაც კი. პირიქით, სტაბილური დემოკრატიის ჩამოსაყალიბებლად მეორე ტურის გამართვა არა მარტო საინტერესო, არამედ აუცილებლად გასავლელი ეტაპია. ამდენად, პრეზიდენტი, რომელიც პირველ ტურში 50%-ზე მეტს ვერ მოაგროვებს, დემოკრატიული სახელმწიფოს აშენებას და ტოლერანტული საზოგადოების ჩამოყალიბებას დაეხმარება", - აღნიშნულია გამოქვეყნებულ სტატიაში.