კომპანია „რომპეტროლი" საქართველოს შრომის კოდექსში შეტანილ ცვლილებებს მიესალმება და შესაბამისი ქმედებებით პასუხობს. როგორც „რომპეტროლის" მენეჯმენტში აცხადებენ, კომპანიამ კოდექსში შეტანილი ცვლილებების საპასუხოდ მიიღო ზომები - გაზარდა თანამშრომლების ანაზღაურება და შეამცირა სამუშაო საათები.
საქართველოს შრომის კოდექსში ცვლილებები ზაფხულში განხორციელდა და ძალაში 4 ივლისს შევიდა. პარლამენტის ახალი დადგენილების მიხედვით, (თავი IV, მუხლი 14-ე) დამსაქმებლის მიერ განსაზღვრული სამუშაო დროის ხანგრძლივობა, რომლის განმავლობაში დასაქმებული ასრულებს სამუშაოს, არ უნდა აღემატებოდეს კვირაში 41 საათს. სამუშაო დროში არ ითვლება შესვენების და დასვენების დრო. ასევე, სამუშაო დღეებს (ცვლებს) შორის დასვენების ხანგრძლივობა არ უნდა იყოს 12 საათზე ნაკლები. საქართველოს ბაზარზე „რომპეტროლი" პირველი ნავთობკომპანიაა, რომელმაც ევრისტანდარტებთან შესაბამისობაში მოყვანილი კანონპროექტი საკუთარ მენეჯმენტში განახორციელა.
„რომპეტროლი" ბევრ ევროპულ ქვეყანაში მუშაობს და ყველგან დასაქმების პირობებს კანონმდებლობის მიხედვით მკაცრაც იცავს. ძალიან კარგია, რომ საქართველოს მთავრობამ ამ საკითხს მიაქცია ყურადღება და მიიღო ზომები. ჩვენც ცვლილებების შესაბამისად გავაუმჯობესეთ სამუშაო პირობები - ბენზინგასამართ სადგურებზე სამუშაოდ მივიღეთ 130 ახალი თანამშრომელი და ამის შედეგად დავამატეთ კიდევ ერთი ცვლა. ახლა 3 ცვლის ნაცვლად გვაქვს 4 და პერსონალს არ უწევს ზეგანაკვეთური სამუშაო. მომსახურე პერსონალს - ჩამსხმელებს, სადგურების მენეჯერებს, კოორდინატერებს 20%-მდე გავუზარდეთ ხელფასი. ასევე მივეცით გარანტირებული შვებულების უფლება. ვამაყობთ ამ ცვლილებებით და გვიხარია, რომ გავუუმჯობესეთ პირობები თანამშრომლებს, რომლებიც ემსახურებიან ჩვენს მომხმარებლებს და საუკეთესო პროდუქციას სთავაზობენ" - აცხადებს „რომპეტროლის" გენერალური დირექტორი ნურკენ მურზაგალიევი.
მენეჯმენტის ზრუნვას პირობების გაუმჯობესებაზე და განხორციელებულ ცვლილებებს ეხმაურებიან და დადებითად აფასებენ კომპანიის თანამშრომლებიც. „სამუშაო პირობების გაუმჯობესების შემდეგ „რომპეტროლში" მუშაობა უფრო პრესტიჟული და სასურველი გახდა. ჩვენ გვრძნობთ ხელმძღვანელობის ძალიან დიდ მხარდაჭერას და უფრო დიდი სტუმული გვაქვს მოვემსახუროთ მომხმარებლებს. თამამად შეიძლება ითქვას, რომ აქ მომუშავე პერსონალს ახლა უფრო ნაკლები სამუშაო და მეტი ხელფასი აქვს. "- განაცხადა ბაგების ბენზინგასამართი სადგურის მენეჯერმა მალხაზ მეტრეველმა.
რაც შეეხება კომპანიის გეგმებს და სხვა ცვლილებებს, ნურკენ მურზაგალიევის ინფორმაციით, 2013 წლის ბოლომდე კომპანია 7 ახალი ბენზინგასამართი სადგურის გახსნას გეგმავს. „რომპეტროლის" ახალი ობიექტები თბილისის რამდენიმე უბანში გაიხსენება, სადაც აქამდე არ იყო წარმოდგენილი. „რაც მთავარია ახალი სადგურები განსხვავებული დიზაინის იქნება. რესტაილინგის შედეგად ახალი სადგურები ძირითადად თეთრ, ნარინჯისფერ და წითელ ფერში იქნება წარმოდგენილი. ქსელის გაფართოების და ახალი სადგურების ავტომატიზაციისთვის „რომპეტროლი" 2 მილიონ $-მდე ინვესტიციას ჩადებს," - აცხადებს ნურკენ მურზაგალიევი.
საქართველოს სამომხმარებლო ბაზარზე"რომპეტროლის" წილი ამჟამად 18%-ს შეადგენს. კომპანიის მენეჯმენტი განაგრძობს განვითარებას საქართველოს ბაზარზე და უკვე 8 წელია წარმატებით ნერგავს ნოვაციებს და ევროპულ სტანდარტებს. საწვავის ზუსტი ჩასხმის გარანტიის უზრუნველსაყოფად კი „რომპეტროლი" 2008 წლიდან მუდმივად ახორციელებს ქსელის სისტემის ავტომატიზაციას. კომპანია უახლოეს მომავალში მომხმარებლებისთვის არაერთ წამახალისებელ პროექტს და აქციასაც გეგმავს.
ტრანსნაციონალური კომპანია „რომპეტროლი" საქართველოს ბაზარზე ევრო სტანდარტის საწვავის უმსხვილეს მომწოდებელს წარმოადგენს. „რომპეტროლ ჯგუფის" მთავარი ოფისი ამსტერდამში მდებარეობს და ამჟამად მსოფლიოში 50-მდე კომპანიას აერთიანებს. ამჟამად რომპეტროლი" საქართველოს ბაზარზე 5 ტიპის საწვავს ყიდის. სამი ტიპის ბენზინს - Euro Regular, Efix Euro premium, Efix S და ორი სახეობის დიზელს - Efix Euro Diesel და Euro Diesel.
