ქუთაისის საქალაქო სასამართლოში ,,ნაციონალური მოძრაობის" გენერალური მდივნის ვანო მერაბიშვილისა და კახეთის გუბერნატორის ზურაბ ჭიაბერაშვილის პროცესი განახლდება.
როგორც ჟურნალისტებთან ვანო მერაბიშვილის ადვოკატმა გიორგი ჩივიაშვილმა განაცხადა სასამართლო პროცესს მისი დაცვის ქვეშ მყოფიც დაესწრება.
,,გაგრძელდება საქმის არსებითი განხილვა, ბრალდების მხარე გააგრძელებს თავისი მოწმეების დაკითხვას. მე რამდენადაც ვიცი ვანო მერაბიშვილი აპირებს სასამართლო პროცესზე დასწრებას", _განაცხადა ჩივიაშვილმა.
შეგახსენებთ, რომ ვანო მერაბიშვილისა და ზურაბ ჭიაბერაშვილის ადვოკატების განმარტებით, 21 ოქტომბერს გამართულ პროცესზე პროკურატურის მიერ წარმოდგენილ მოწმეებს წინასწარ მომზადებული პასუხები ჰქონდათ და ე.წ. შპარგალკით ხელმძღვანელობდნენ. დასავლეთ საქართველოს საოლქო პროკურატურა ვანო მერაბიშვილსა და ზურაბ ჭიაბერაშვილს, 2012 წლის საპარლამენტო არჩევნების წინ, დასაქმების პროგრამის ფარგლებში ამომრჩევლების მოსყიდვაში ადანაშაულებს.
