ახალი საინვესტიციო შესაძლებლობების მოძიებას ახალი, დამოუკიდებელი ვებ-პორტალი მოემსახურება. GrowGeorgia არის პირველი ქართული ვებ- პორტალი, რომელიც მოემსახურება საქართველოში ინვესტიციების მოზიდვას, პოტენციური ინვესტორების დაკავშირებას ქართულ კომპანიებთან და საინვესტიციო პროექტების განხორციელებას. იგი წარმოადგენს ქართული კომპანია EMC-ისა (შეფასებისა და მენეჯმენტის ს კონსალტინგი) და გერმანული კომპანია SCS -ის ერთობლივ ბიზნესინიციატივას.
პირველი ქართული ბიზნესპორტალი GrowGeorgia საშუალებას მისცემს საქართველოში მოქმედ ბიზნესკომპანიებს, განათავსონ ინფორმაცია საკუთარი ბიზნესისა და საინვესტიციო პროექტების შესახებ. EMC და SCS კი უზრუნველყოფენ პორტალის პოპულარიზაციას გერმანიასა და საზღვარგარეთის ქვეყნებში და ინვესტორების მოძიებას მთელი მსოფლიოს მასშტაბით.
GrowGeorgia-ს მართვას ორივე პარტნიორი კომპანია განახორციელებს. SCS-ს აქვს ევროპის მრავალ ქვეყანაში 50-ზე მეტი საინვესტიციო პროექტის განხორციელების გამოცდილება. თავის მხრივ, EMC წარმოადგენს GrowGeorgia-ს ოფიციალურ წარმომადგენლობას საქართველოში. EMC-ის თბილისის ოფისი უზრუნველყოფს პირდაპირ კონტაქტს ქართველ ბიზნესპარტნიორებთან, სხვა ქართულ და საერთაშორისო ორგანიზაციებთან და სამთავრობო სტრუქტურებთან
.
პორტალი იქნება საკომუნიკაციო არხი პოტენციურ ინვესტორებსა და იმ ქართულ კომპანიებს შორის, რომლებიც დაინტერესებული არიან ბიზნესის გაფართოებითა და ინვესტიციების მოზიდვით. პორტალის მეშვეობით, პოტენციური ინვესტორები გაეცნობიან სრულ ინფორმაციას კონკრეტული ქართული ბიზნეს კომპანიებისა თუ საინვესტიციო პროექტების შესახებ.
პრეზენტაციაში, დღეს, 22 ოქტომბერს 11:00 საათზე ,,შერატონ მეტეხი პალასში" გაიმართება. პრეზენტაციაში მონაწილეობას მიიღებენ საქართველოს მთავრობის, ქართული და უცხოური ბიზნესკომპანიების, ბიზნესასოციაციებისა და სხვადასხვა ქვეყნის სავაჭრო პალატების წარმომადგენლები.
