გერმანია ევროკავშირის წევრობის კანდიდატ თურქეთთან მოლაპარაკებების გაგრძელებას აღარ შეეწინააღმდეგება. აღნიშნულის შესახებ "როიტერი" წყაროზე დაყრდნობით წერს.
აღნიშნულის შესახებ ევროკავშირის წევრები სამშაბათს აპირებენ მსჯელობას. თურქეთთან მოლაპარაკებები კი სავარაუდოდ ნოემბერში განახლდება. როგორც ცნობილია, ამ ზაფხულს გერმანია და ორგანზიაციის სხვა წევრები თურქეთის პოლიციის ქმედებით იყვნენ შეშფოთებული, რომელმაც დემონსტრანტების მისამართით ძალა გადამეტებით გამოიყენა.
თურქეთის ევროკავშირში გაწევრიანებასთან დაკავშირებული მოლაპარაკებები 2005 წელს დაიწყო. ამ საკითხში პროგრესს უმთავრესად კვიპროსის საკითხი და გერმანიისა და საფრანგეთის წინააღმდეგობა უშლიდა ხელს.
თურქეთის მინისტრმა ევროკავშირის საკითხებში ეგემენ ბაგისმა განაცხადა:"უდავოა, რომ ეკონომიკური განვითარების, დემოკრატიისა და ადამიანის უფლებების კუთხით თურქეთი ევროკავშირის სტანდარტებთან, როგორც არასდროს, ისე ახლოს დგას."