ახალგაზრდებმა პროტესტი ქალაქის ცენტრში, ყველაზე ხალხმრავალ ადგილას დააფიქსირეს. ქართველებისადმი მხარდაჭერა უცხოელმა ტურისტებმაც გამოხატეს. აქციაზე გამოჩნდნენ რუსი ახალგაზრდებიც, რომლებმაც მწუხარება გამოთქვეს არსებული ვითარების გამო და სახალხო დიპლომატიის მნიშვნელობაზე გაამახვილეს ყურადღება.

"დღევანდელი აქცია ეხმაურებოდა იმ უკანონო მოქმედებებს რაც საქართველოს ტერიტორიაზე ხორციელდება რუსეთის სახელმწიფოს მიერ. ძნელად მოიძებნება საქართველოში ან საქართველოს ფარგლებს გარეთ მცხოვრები ქართველი, რომელიც ამ მოვლენას არ გმობს. აქციები აუცილებლად გაგრძელდება და უფრო მასშტაბურ სახეს მიიღებს. საქართველოს სუვერენიტეტი უნდა იყოს დაცული, ვითხოვთ მშვიდობას, ოკუპირებულ ტერიტორიებზე მცხოვრები ქართველების უფლებების დაცვას და კეთილმეზობლურ დამოკიდებულებას რუსეთის სახელმწიფოსგან", - განაცხადა აქციის ერთ-ერთმა ორგანიზატორმა ნინო შარაშიძემ.

მისივე თქმით, დღევანდელი აქციის ფარგლებში, ქართველმა ახალგაზრდებმა შეაგროვეს თანხა და ის გადაეცემა ოჯახს, რომელიც მცოცავი ოკუპაციის შედეგად ყველაზე მეტად დაზარალდა.