2013 წლის 9 თვეში, რეგულარული რეისებით გადაყვანილი მგზავრების რაოდენობის 19 %-ი „თურქეთის ავიახაზებზე" მოდის. სამოქალაქო ავიაციის სააგენტოს ინფორმაციით, „თურქეთის ავიახაზების" მსგავსად საკმაოდ დიდი რაოდენობის მგზავრი გადაიყვანა „აირაზენამ", რომელზეც 2013 წლის 9 თვეში გადაყვანილი მგზავრების 12 %-ი მოდის.
იანვარ-სექტემბერში გადაყვანილი მგზავრების 10 %-ი „უკრაინის ინტერნაციონალურ ავიახაზებზე" მოდის. მგზავრების 8 %-ი გადაყვანილია ავიაკომპანია „პეგასუსის" მიერ, ხოლო მგზავრების 5%-5%-ი გადაიყვანეს ავიაკომპანიებმა: „ბელავია", „ფლაი ჯორჯია", „სიბირი", „კატარის ავიახაზები" და „ლუფთჰანზა".
სტატისტიკური ინფორმაციის მიხედვით, 2013 წლის იანვარ-სექტემბერში გადაყვანილი მგზავრების 17 %-ი ეროვნულმა ავიაკომპანიებმა გადაიყვანეს, ხოლო 83 %-ი უცხოურმა ავიაკომპანიებმა
შეგახსენებთ, რომ იანვარ-სექტემბერში, საქართველოს აეროპორტების საშუალებით გადაყვანილი მგზავრების რაოდენობამ 1 მლნ 395 ათას 313 მგზავრი შეადგინა, რაც 30 %-ით მეტია გასული წლის ანალოგიურ პერიოდში გადაყვანილ მგზავრებთან შედარებით.
