წელს ბათუმის საერთაშორისო აეროპორტმა 29 %-ით მეტი მგზავრი გაატარა. სამოქალაქო ავიაციის სააგენტოს ინფორმაციით, 2013 წლის იანვარ-სექტემბერში ბათუმის საერთაშორისო აეროპორტმა 171 ათას 889 მგზავრი გაატარა, რაც 29 %-ით მეტია 2012 წლის 9 თვეში გატარებულ მგზავრთა რაოდენობაზე, ხოლო 61 %-ით მეტია 2011 წლის 9 თვეში გატარებულ მგზავრთნაკადთან შედარებით. სტატისტიკური ინფორმაციის მიხედვით, 2012 წლის იანვარ-სექტემბერში ბათუმის საერთაშორისო აეროპორტის საშუალებით გადაყვანილია 132 ათას 962 მგზავრი, ხოლო 2011 წლის იანვარ-სექტემბერში კი 106 ათას 965 მგზავრი.
შეგახსენებთ, რომ იანვარ-სექტემბერში, საქართველოს აეროპორტების საშუალებით გადაყვანილი მგზავრების რაოდენობამ 1 მლნ 395 ათას 313 მგზავრი შეადგინა, რაც 30 %-ით მეტია გასული წლის ანალოგიურ პერიოდში გადაყვანილ მგზავრებთან შედარებით.
