საქართველოს აეროპორტებიდან ყველაზე მეტი მგზავრი თბილისის საერთაშორისო აეროპორტის საშუალებით იქნა გადაყვანილი. სამოქალაქო ავიაციის სააგენტოს ინფორმაციით, 2013 წლის იანვარ-სექტემბერში თბილისის საერთაშორისო აეროპორტის გავლით გადაყვანილია 1 მლნ 97 ათას 942 მგზავრი, რაც 17 %-ით მეტია 2012 წლის 9 თვეში ამავე აეროპორტის მიერ გადაყვანილ მგზავრების რაოდენობაზე. სტატისტიკური ინფორმაციის მიხედვით, 2012 წლის 9 თვეში თბილისის საერთაშორისო აეროპორტმა 936 ათას 109 მგზავრი გაატარა, ხოლო 2011 წლის 9 თვეში კი 799 ათას 592 მგზავრი.
შეგახსენებთ, რომ იანვარ-სექტემბერში, საქართველოს აეროპორტების საშუალებით გადაყვანილი მგზავრების რაოდენობამ 1 მლნ 395 ათას 313 მგზავრი შეადგინა, რაც 30 %-ით მეტია გასული წლის ანალოგიურ პერიოდში გადაყვანილ მგზავრებთან შედარებით.
