სახელმწიფო კანცელარიის უფროსი არ გამორიცხავს, რომ სპეციალურმა კომისიამ მთავრობისთვის სამომავლოდ ელექტრომობილების შეძენის საკითხზეც იმსჯელოს. როგორც სააგენტო „ჯი-ეიჩ-ენს" სახელმწიფო კანცელარიის უფროსმა მაია ცქიტიშვილმა განუცხადა, გამორიცხული არ არის კომისიამ ელექტრომობილების შეძენაზეც იმსჯელოს, თუმც მისივე განმარტებით შესაბამისი ინფრასტრუქტურა ქვეყანაში არ არის.
„გამორიცხული არ არის, რომ კომისიამ ერთ-ერთ საკითხად ელექტრომობილების შეძენის თემაც განიხილოს, თუმცა საქართველოში შესაბამისი ინფრასტრუქტურა არ არსებობს. ელექტრომობილებს მოგეხსენებათ შესაბამისი დამტენები ესაჭიროება. თბილისში ასეთი ავტომობილით გადაადგილება კიდე შესაძლებელია, მაგრამ რეგიონებში- შეუძლებელი"- აღნიშნა ცქიტიშვილმა.
შეგახსენებთ, რომ დღეს მაია ცხრიტიშვილმა განცხადება გააკეთა და აღნიშნა, რომ ამიერიდან სახელმწიფო ავტომანქანების შესყიდვის წესს სპეციალური კომისია განსაზღვრავს. როგორც ჟურნალისტებთან კანცელარიის უფროსმა მაია ცქიტიშვილმა განაცხადა აღნიშნული გადაწყვეტილება მთავრობამ დღევანდელ სხდომაზე მიიღო.
,,მთავრობამ მიიღო გადაწყვეტილება სახელმწიფო კომისიის შექმნის თაობაზე, რომელიც წლის ბოლომდე შეიმუშავებს სახელმწიფო ავტომანქანების შესახებ შესყიდვის წესს. განსაზღვრული იქნება მანქანების ღირებულება და ფასი თანამდებობების მიხედვით, რა ტიპის, რა კლასის ავტომობილები შეიძლება ჰყავდეს ამა თუ იმ თანამდებობის პირს", _განაცხადა ჟურნალისტებთან მაია ცქიტიშვილმა.
მისივე განმარტებით კომისიაში დაკომპლექტდება ყველა სამინისტროს წარმომადგენლით მინისტრის მოადგილეების დონეზე.
,,კომისიაში შევა ყველა სამინისტროს წარმომადგენელი მინისტრის მოადგილეების დონეზე, კომისიას ვუხელმძღვანელობ მე. ასევე ჩვენ მოვიწვიეთ პარლამენტის აპარატის უფროსი რათა ეს საკითხი ძალიან მნიშვნელოვანია, რადგან ის ეხება არა მხოლოდ ცენტრალურ მთავრობას, არამედ პარლამენტს და პარლამენტის კონტროლს ქვეშ ორგანიზაციებს. შესაბამისად ვეცდებით შევიმუშაოთ საერთო ნორმა და მიდგომა, რომელითაც იხელმძღვანელებს ყველა სახელმწიფო უწყება", -განაცხადა ცქიტიშვილმა.
მისივე განმარტებით კომისიის მუშაობა დამატებით აღარ დაფინანსებდა, რადგან კომისიაში შედიან მინისტრის მოადგილეები, რომელთა სამუშაოა ხელფასების დონეზე ისედაც ანაზღაურებადია.
მისივე განმარტებით, ამ ეტაპზე ავტომანანების საწვავის ხარჯი ვერ გადაიხედება, თუმცა კომისიის მიზანი იქნება განსაზღვრის ისეთი ავტომანქანების კლასი, რომლებიც შედარებით ეკონომიური იქნება.
